மதிகெட்ட மத்தியஅரசும், அரசாங்கத்துக்கு(ஆரோக்கியம் பற்றி) ஆலோசனை கூறும் மதியில்லா அரசியல் ஆலோசகர்களும்(பாகம்2)
அன்புள்ள பதிவு வாசகர்களே,
நமது அரசு அணு ஆயுத பரிசோதனை செய்த போது அமெரிக்கா நமது நாட்டின் மீது பொருளாதாரத் தடை விதித்தது.ஆனால் இந்தத் தடை நமக்கு ஒரு பாதிப்பையும் ஏற்படுத்தவில்லை.
எனவே அதன் காரணத்தை ஆராய்ந்த அமெரிக்கா நமது விவசாயம்தான் நம்மை கவசம் போல காக்கிறது என்பதை கண்டு கொண்டது.எனவே நமது விவசாயத்தை தொலைத்துக் கட்டும் முயற்சியில் இறங்கியது.அதற்காகவே நமது நாட்டில் நுழைந்தது மான்சான்ட்டோ என்ற அமெரிக்க விதைக் கம்பெனி.
நமது நாடு பல்லுயிரினப் பெருக்கம் உள்ள நாடு. அதாவது நமது நாட்டில் பலவிதமான தாவர, விலங்கு, கடலுயிரினங்கள் கொண்ட நாடு. வேறெந்த நாட்டுக்கும் இந்தச் சிறப்பு இல்லை. இறைவன் அவ்வாறு நம் நாட்டை படைத்துள்ளான். இப்படி ஒரு இறைவனின் கொடையை கொடூரமாக சிதைக்க வந்த அரக்கன்தான் மான்சான்ட்டோ என்ற அமெரிக்க விதைக் கம்பெனி.
மான்சான்ட்டோ என்ற அமெரிக்க விதைக் கம்பெனி பல தற்கொலை விதைகளை சந்தைப்படுத்தி வருகிறது.இதனால் நேரும் விளைவென்ன தெரியுமா?இந்த தற்கொலை விதைகள் ஒரு முறை மட்டுமே விளைச்சல் கொடுக்கும்.மறுமுறை இந்த விதைகளை விதைத்தால் அவை முளைக்காது. அவை மலடாகிப் போகும்.
இந்த மலட்டு பயிர்களின் மகரந்தம் மற்ற பயிர்களில்,தாவரங்களுடன் மகரந்தச் சேர்க்கை நடந்தால் அனைத்து பயிர்களும்,தாவரங்களும் மலடான இதே போன்ற விதைகளைத்தான் உற்பத்தி செய்யும்.இந்த மலட்டு விதைகள் பல சத்தான அமோக விளைச்சலைக் கொடுக்கும் என்றும்,அதிக மகசூலைத் தரும் என்றும் கவர்ச்சிகரமாக விளம்பரப்படுத்தப்படுகிறது.
இறைவனுக்குத்(இயற்கைக்கு) தெரியாதா எதை எப்படிப் படைக்க வேண்டும் என்று??????சத்துக் கூடிய விளை பொருட்கள் என்று, வீரியக் கம்பு, கேழ்வரகு, என்று பலதை மரபணு மாற்றியதன் விளைவு ஒன்றிலும் அதன் ருசியும் வாசனையும் இன்றி மண்ணைத் தின்பது போல் உள்ளது.
பலவிதமான சத்துக்களை,தேவையில்லாமல் உடலில் சேர்த்ததன் விளைவு பல பெயர் தெரியாத வியாதிகள்.(எடுத்துக்காட்டாக வீரியப்படுத்தப்பட்ட சோயாவை சாப்பிட்டவர்களுக்கு சிறு நீரக செயலிழப்பு கண்டறியப்பட்டுள்ளது.இதைவேறு தனி இணைப்புகளாக வெளியிட வேண்டாம் என்று எண்ணுகிறேன். தேடியந்திரத்தில் தேடிக் கொள்க!!!)
தற்போது சர்க்கரை வியாதியும், குழந்தையின்மையும், இதயத் தாக்கு, சிறு நீரக செயல் இழப்பு, பக்க வாதம், இரத்தக் கொதிப்பு சர்வ சாதாரணமாகக் காணப்படும் காரணம் புரிகிறதா?????
நம் பாரம்பரிய விதைகளை நாம் பயிர் செய்யாமல் விட்டுவிட்டதே காரணம்.அவற்றில் நம் நோய் எதிர்ப்பு சக்தியை காக்கும் கவசம் இருந்தது. அவற்றை தொலைத்துவிட்டு ஆரோக்கியமற்றவர்களாக அலையத் தயாராக்கிவிட்டதற்கு காரணம் யார்????வேறு யார்???நமது திருவாளர் மத்திய அரசாங்கம்தான்.
இந்த மான்சான்ட்டோவின் மலட்டு விதைகளை விளைவிக்கும் நிலங்கள் விஷத்தன்மை அடைந்து விவசாயத்திற்கு தகுதி அற்ற நிலங்களாக மாறிப் போகும்.இவற்றை உண்டால் மனிதர்களும் மலடாகிப் போவார்கள்.(PT பருத்தி விதை, PT கத்திரிக்காய் போன்றவை எல்லாம் இந்த ரகங்கள்தான்)
பல்லுயிர்ப் பெருக்கம் நிறைந்த நம் நாடு மலடான உயிர்களை உற்பத்தி செய்தால் விளைவு நம் நாடு உயிர்களே இல்லாத பாலைவனமாகும்.ஒரு முறை விளையும் விதைகளை வாங்கிப் பயிர் செய்த நம் விவசாயிகளுக்கு அடுத்த முறை விதைக்க விதையின்றி,விதைக்காக மான்சான்ட்டோவிடம் கையேந்த வேண்டும்.
கடைசியில் நிலம் பாழான பின் தற்கொலை செய்து சாவதைத் தவிர வேறு வழியில்லை நம் இந்திய அப்பிராணி விவசாயிக்கு.இந்த நிலையை உண்டாக்கியது யார்???? வேறு யார்???நமது திருவாளர் மத்திய அரசாங்கம்தான்.கீழ்க்கண்ட காணொளிகளைக் காணுங்கள்.
http://www.youtube.com/watch?v=2UVMLTk8Z4U&feature=related
http://www.youtube.com/watch?v=xy-Tyg_d88A&feature=related
மரபணு சம்பந்தமான பொறியியல்G.E(GENETIC ENGINEERING),மரபணு மாற்றப்பட்ட உயிரினங்கள் GMO'S (GENETICALLY MODIFIED ORGANISMS) நமது மனித சமுதாயத்திற்கு பெரும் கேடாய் முடியப் போகிறது.பல நாடுகளில் இவற்றைத் தடை செய்திருக்கும் சூழ்நிலையில் விவசாயத்தை பெரும் அளவில் செய்து வரும் நம் நாட்டில் இதற்கு வழி வகுத்தால் விளைவு பெரும் சீரழிவு என்பதில் ஐயம் இல்லை.கீழ்க்கண்ட இணைய தளத்தை பார்வையிடுங்கள்.