என் குருநாதர்களில் ஒருவர்(பாகம் 1)

யாருக்கு ஞானம் கிட்டும்?(பாகம் 5)

அன்புள்ள பதிவு வாசகர்களே,

புலிப்பாணி முன்னூறு என்ற நூலில் புலிப்பாணி சித்தர் நூலின் விடயங்களின் தீவீரத்தை சொல்ல என் வாழ்வில் நடந்த உண்மைச் சம்பவத்தைப் பற்றி கூற விழைகின்றேன்.எனது சோதிட குருவாகவும் திகழும்  திரு சடாட்சரம் அவர்கள் எனது சித்தப்பா ஆவார்கள்.


ஒரு முறை அவர் என்னிடம் உள்ள புலிப்பாணி முன்னூறு நூலை வாங்கிச் சென்றார்.என்னிடம் இது வரை பலர் என்னிடம் (13 பேர்) வாங்கிச் சென்றிருக்கிறார்களே தவிர திருப்பித் தந்ததில்லை.அவர் என்னிடம் வாங்கிய நூலில் ஒரு பாடலைக் குறிப்பிட்டு புலிப்பாணி 81- அது தன் மூத்த மகள் ஜாதகத்துக்கு பொருத்தமாக இருப்பதாக மிக வருத்தத்துடன் குறிப்பிட்டார்கள்.


அந்தப் பெண் என் பாச மிகு ஒன்று விட்ட தங்கை. மிகப் பாசமான பெண். என் மனைவியின் உடன் படித்த பெண். மிகவும் அடக்கமான பெண்.எனக்கோ பெரும் சோகம்.நான் அவரிடம் கேட்டேன் '' இதைத் தவிர்க்க முடியாதா என்று?''.அவர் விதி எப்படியோ அப்படியே ஆகட்டும் என்றார்.


அந்த பாடல்

மருந்தால் கண்டம்  

சொல்லுகிறேன் இருநாலில் செவ்வாய் தோன்ற
சூரினா ராவுடனே சேர்ந்துநிற்க
வில்லவே விஷந்தீண்டி சாவான் சென்மம்
விதமான களத்திரத்தால் வேதைமெத்த
நல்லவே லெக்கினேச னாராமாதி
நஞ்சுள்ள கரும்பாம்பு சேர்ந்திட்டாலும்
புல்லவே மருந்தாலே கண்டம் சொல்லு
பூதலத்தில் புலிப்பாணி களறிட்டேனே!!!
                   -புலிப்பாணி முன்னூறு 81-


மேற் சொன்ன கவியின் வாயிலாக சொன்னது போலவே என் சகோதரி விஷத்தினாலேயே மாண்டார்.
எனது சித்தப்பா இது போல பல விடயங்களினால் பாதிப்புற்றாலும் இப்போதும் மனம் கலங்காது வாழும் ஓர் மதிப்புள்ள பொக்கிஷம்.பல விடயங்களில் விற்பன்னர்.


மனையடி சாஸ்திரம்,சிற்ப சாஸ்திர சிந்தாமணி போன்ற நூல்களை கரைத்துக் குடித்தவர்.குறிப்பாக சோதிடத்தில் ஒரு சூரப்புலி.இது போன்ற பல விடயங்களில் அனுபவப்பட்டு தெளிந்த ஒரு ஞானி.
அவரின் அலை பேசி எண் +919965195144.


பேசுபவர்கள் மேற்கண்ட விடயத்தை அவரிடம் கேட்க வேண்டாம்.அவர் மனம் வருந்தும்.சோதிட மற்றும் மனையடி சாஸ்திர சம்பந்தமான விடயங்களுக்கான விளக்கங்களை பெறலாம்.


மிகவும் ஏழ்மையான நிலையில் இருந்தாலும் தனக்கென எதுவும் பெற்றுக் கொள்ளாத பெருந்தகையாளர்.அன்பர்கள் யாரேனும் அவரை நேரிடையாக சந்தித்தால் ஜாதக பலன்களைப் பெற்று, தங்களுக்கான உதவியைப் பெற்றுக் கொண்டு அவருக்கான பொருளுதவியை அவர் கேட்காமலே செய்ய வேண்டுகிறேன்.

அடுத்து இதே விஷயத்தின் தொடர்ச்சியை அடுத்த பதிவில் விவரிக்கிறேன்.

மிக்க நன்றி

என்றென்றும் பேரன்பினால்

சாமீ அழகப்பன்

Post Comment