மச்ச முனிவரின் சித்த ஞான சபை

முக்கிய அறிவிப்பு

2012-01-31T23:49:00.002+05:30

இனி எமது வலைத்தளம் http://www.machamuni.com/ இன்று முதல் செயல்படத்துவங்கி உள்ளதால்,எமது வலைப்பூவில் { http://machamuni.blogspot.in/ }பதிவுகள் படித்து வந்த வாசகர்கள் இனி வலைத்தளத்தை பார்வையிட்டு தங்களின் அதே மேம்பட்ட ஆதரவை நல்கி பயன் பெறுமாறு கேட்டுக் கொள்கிறேன்.இன்று ஆகாச கருடன் கிழங்கு பற்றிய பதிவு வலைத் தளத்தில் வெளியிடப்பட்டுள்ளது.அதன் இணைப்பு இதோ
http://www.machamuni.com/?p=442
http://www.machamuni.com/?p=459
இந்த வலைத் தளத்தை வடிவமைத்துக் கொடுத்த விண்மணி வேர்டு பிரஸ் http://winmani.wordpress.com/அவர்களுக்கு மிக்க நன்றியைத் தெரிவித்துக் கொள்கிறேன்.

மிக்க நன்றி

என்றென்றும் பேரன்பினால்

சாமீ அழகப்பன்

சித்தர்களின் விஞ்ஞானம்(பாகம் 55)சதுரகிரி மாவூத்து 2

2012-01-29T21:22:00.000+05:30

சித்தர்களின் விஞ்ஞானம்(பாகம் 54)சதுரகிரி மாவூற்று 1என்ற பதிவைப் படித்துவிட்டு இந்த பதிவுக்கு வரவும்.அப்படி படித்தால் மட்டுமே தொடர்பு விட்டுப் போகாது புரியும்.

இந்த மாவூற்று என்ற தீர்த்தத்தில் நீராடி,அந்தத் தீர்த்தத்தை குடித்து வந்தால் தீராத நோயெல்லாம் தீரும் என்பது சித்தர் வாக்கு.இது பல்லாயிரம் வருடங்களாய் இறை அருளால் வற்றாமல் பொங்கிப் பெருகி வந்து கொண்டிருக்கிறது.அந்த ஊற்றைப் பற்றிய படங்கள் இதோ கீழே.

மாவூற்று

மாவூற்றில் சதுரகிரி ஹெர்பல்ஸ் கண்ணன்

மாவூற்றுப்பாதை

மாவூற்றுப் படங்கள்

சதுரகிரித் தல புராணத்தில் முதல் பாடலில் குறிப்பிட்டுள்ள சடாதாரி அம்மன் சன்னதி இதோ கீழே!!!!!.(முற்பிறவியில் தேவமாதாக இருந்து யாழ் வல்ல தேவரை(மறு பிறப்பில் பச்சைமால்) காமுற்றதால் மானிடப் பிறவி எடுத்தவர்)

சடாதாரி அம்மன்

மாவூற்றில் சதுரகிரி ஹெர்பல்ஸ் கண்ணன் ஷண்முக சுவாமிகளிடம் ஆசிபெறும் காட்சி

சதுரகிரி ஹெர்பல்ஸ் கண்ணன் அவரது மலைவாழ் நண்பர்களுடன்(பளியர்கள்)

ஷண்முக சுவாமிகள்

மேற்கண்ட ஷண்முக சாமிகள் யோகா போன்றவற்றால் உடலை உறுதி செய்தவர்.பல திவ்விய தேசங்களில் சுற்றியவர்.மேலும் பல அரிய மூலிகைகளில் நிபுணத்துவம் பெற்றவர்.

மாவூற்றில் உதயகிரிநாதர் கோவிலில் நான் ஷண்முக சுவாமிகளிடம் ஆசிபெறும் காட்சி

உதயகிரிநாதர்

மேற்கண்ட கடைசிப் படத்தில் சூலாயுதத்தில் குமிழுக்குக் கீழ் ஒரு ஒளி வட்டம் தெரிகிறதா.அது சித்தர்களின் ஒளியுடல் தரிசனம்.பல்லாண்டுகளாக சித்தர்கள் இங்கு வந்து உதய கிரி நாதரை அல்லும் பகலும் தரிசித்துச் செல்கின்றனர்.அந்தச் சித்தர்களின் அருள் பெற்று எல்லோரும் நீடூழி வாழ்க!!!

அடுத்து ஒரு முக்கிய விஷயத்தோடு அடுத்த பதிவில் சந்திக்கிறேன்.

மிக்க நன்றி

என்றென்றும் பேரன்பினால்

சாமீ அழகப்பன்

சித்தர்களின் விஞ்ஞானம்(பாகம் 54)சதுரகிரி மாவூற்று 1

2012-01-29T18:33:00.000+05:30

சித்தர்கள் பற்றி பல விடயங்களை விளக்கி உள்ளேன் என்றாலும் அவர்களின் திறன்களோ, கொள்கைகளோ, செயல்பாடுகளோ வரைமுறையில் அடக்க முடியாது. எதற்காக இதை செய்கிறார்கள் என்று நம் சாதாரண அறிவைக் கொண்டு யோசிக்கவோ அளவிடவோ முடியாது. ஆனால் இயற்கையும் அவர்கள் நில் என்று சொன்னால் நிற்கும்.எனவேதான் அவர்களால் இயற்கை அற்புதங்களை சமைக்க (உண்டாக்க) முடிந்தது.

இப்போதும் இவர்கள் இவர்கள் இறைவன் அருளால் பல அற்புதங்களை நிகழ்த்தி வருகிறார்கள்.அப்படி இறைவன் இவர்களோடு திருவிளையாடல் புரிந்த ஒரு தலத்தைப் பற்றிய பதிப்பே இது.இதில் முதலில் இந்த இடத்தைப் பற்றி சதுரகிரித் தல புராணத்தில் குறிப்பிட்டுள்ள பக்கங்கள் சிலவற்றைத் தருகிறேன்.அதில் நான் வைத்திருப்பது மிகப் பழைய புத்தகம் என்பதால்,அதில் 55&56 ம் பக்கங்கள் விடுபட்டுள்ளன.இருந்தாலும் முக்கிய விடயங்கள் விட்டுப் போகவில்லை.

இந்த இடத்திற்கு வத்திராயிருப்பிற்கு வந்து,அங்கிருந்து மஹாராஜபுரம் வழியாக தம்பிபட்டி செல்லும் பாதையில் பிள்ளையார் கோவில் பேருந்து நிறுத்தத்தில் இறங்கி,ஏதேனும் ஆட்டோவிலோ,நடந்தோ இரண்டு கிலோ மீட்டர் வரை சென்றால் மாவூற்று என்ற இத்தலத்தை தரிசிக்கலாம்.

இப்படி இறைவன் சித்தர்களோடு சித்தர்களாய் கலந்திருந்த இடம் இது.இந்த இடத்துக்குத்தான் முதலில் சதுரகிரி செல்பவர்கள் செல்ல வேண்டும்.இந்த மாவூற்று என்ற தீர்த்தத்தில் குளித்துவிட்டு உதயகிரி நாதனை தரிசித்துவிட்டுத்தான் சுந்தர மஹாலிங்கத்தையும் , சந்தன மஹாலிங்கத்தையும் தரிசிக்க செல்ல வேண்டும் என்பது ஐதீகம்.பதிவு பெரிதாகப் போனதால் இதையே இரட்டைப் பதிவாக இன்றே படங்களுடன் வெளியிடுகிறேன்.

அடுத்து ஒரு முக்கிய விஷயத்தோடு அடுத்த பதிவில் சந்திக்கிறேன்.

மிக்க நன்றி

என்றென்றும் பேரன்பினால்

சாமீ அழகப்பன்

இயற்கை உணவு இன்றியமையாத செல்வம் 10

2012-01-23T20:55:00.000+05:30

இயற்கை உணவு இன்றியமையாத செல்வம்

திரு.மூ.ஆ.அப்பன் அவர்கள் கூறியுள்ள கருத்துக்களை இந்த இயற்கை உணவே இன்றியமையாத செல்வம் பகுதியில் சற்று பார்ப்போம்.இவ்வறிய நோய் நீக்கும் உணவுக் கலையையும், நோய் வருமுன் காக்கும் நோயணுகா விதியைத் தெரிந்து கற்க ஓர் அரிய வாய்ப்பு இதோ கீழே காத்திருக்கிறது.

வரும் டிசம்பர் மாதம் 29-01-2012 முதல் டிசம்பர் மாதம் 04-02-2012 வரை ஆகிய தேதிகளில் யோகா மற்றும் இயற்கை நல வாழ்வு முகாம் குலசேகரபட்டணத்தில் நடக்க இருக்கிறது.

அடுத்து ஒரு முக்கிய விஷயத்தோடு அடுத்த பதிவில் சந்திக்கிறேன்.

மிக்க நன்றி

என்றென்றும் பேரன்பினால்

சாமீ அழகப்பன்

சித்தர்களின் விஞ்ஞானம்(பாகம் 53)நசியம் 1

2012-01-22T21:30:00.000+05:30

நசியம்

மூக்கில் இடும் முக்கிய நசிய (மூக்கிலிடும் மருந்து) மருந்தை இங்கே விவரிக்கிறேன்.

நசியம் என்பது மூக்கிற்கு மருந்திடுவதாகும்.இரு மாதங்களுக்கு ஒரு முறை இட வேண்டுமென சித்தர்கள் கூறியுள்ளனர். ஆனாலும் வள்ளலார் ஆறு மாதங்களுக்கு ஒரு முறையாவது இட வேண்டும் எனக் கூறுகிறார்.

இவ்வாறு முறையாக நசியம் செய்து வந்தால் தலைக்கனம், தலைவலி, கழுத்து வலி, நரம்பு வலி, வாய்க் கோணுதல் போன்ற வாதம்(முக வாதம்), பக்க வாதம், காக்காய் வலிப்புப் போன்ற கடுமையான நோய்கள் நம்மை அணுகா, வேலைப் பழுவினாலும் வரும் கோபம், பரபரப்பு, போன்ற உணர்வுகளாலும் தலைவலியில் மன இறுக்கம் (STRESS) உண்டாகிறது.

இதனால் பலவித பிணிகள் உண்டாகின்றன.பிணிகளில் 70% மன இறுக்கத்தினால் உண்டாகின்றது. இரத்த அழுத்தம், இருதய நோய் சம்பந்தமான வியாதிகளும் மன இறுக்கத்தினால்தான் உண்டாகின்றன.மன இறுக்கம் தலைப்பாகத்தில் உண்டாக்கும் வெப்பத்தினால்(காப்பி, டீ, குளிர் பானங்கள் குடிப்பதனாலும்,வெந்நீரில் குளிப்பதனாலும்,இதே விளைவுகள் உண்டாகின்றன.) இரத்தக் குழாய்களின் கன பரிமாணம்(DENSITY) மாறுபட்டு அவைகளின் சுருங்கி விரியும் (ELASTICITY) தன்மை பாதிக்கப்படுகின்றது.

நார்மல்	சிஸ்டாலிக் இரத்த அழுத்தம் (மி.மீ மெர்குரி) 130க்கு கீழ்	டயஸ்டாலிக் இரத்த அழுத்தம் (மி.மீ மெர்குரி) 85க்கு கீழ்
அதிகபட்ச நார்மல்	130 - 139	85 - 89
இரத்த கொதிப்பு ஸ்டேஜ் -1	140 - 159	90 - 99
இரத்த கொதிப்பு ஸ்டேஜ் - 2	160 - 179	100 - 109
இரத்த கொதிப்பு ஸ்டேஜ் - 3	180 - க்கு மேல்	110 - க்கு மேல்

இதயத்திலிருந்து ரத்தத்தை, உடலின் பல பாகங்களுக்கு அனுப்புவதில் குறைபாடு, ரத்தத்தை, “பம்ப்’ செய்யும் இடது இதய கீழறை தசைகள் சுருங்கி விரியும் தன்மையில் ஏற்படும் குறைபாட்டைத் தான், “ஹார்ட் பெய்லியர்’ என்கிறோம்.“ஹார்ட் பெய்லியர்’ என்றதும், நம் வாழ்வு முடிந்து விட்டது எனக் கருத வேண்டாம். இதயத்தின் இடது கீழறை சுருங்குவதில் குறைபாடு, “சிஸ்டாலிக் பெய்லியர், சிஸ்டாலிக் டிஸ்பங்ஷன்’ (LVSD LEFT VENTRICULAR SYTOLIC DYSFUNCTION) என்றழைக்கப்படுகிறது. இதய கீழறை விரிவடைவதில் குறைபாடு, “டயஸ்டாலிக் பெய்லியர், டயஸ்டாலிக் டிஸ்பங்ஷன் ‘(LVDD LEFT VENTEICULAR DIASTOLIC DYSFUNCTION ) எனப்படுகிறது.

இதனால்சிஸ்டாலிக்(இதயம் சுருங்கும்போது உள்ள இரத்த அழுத்தம்),டயஸ்டாலிக்(இதயம் விரியும்போது உள்ள இரத்த அழுத்தம்,அழுத்தங்கள் மாறுபடுகின்றன.விளைவு இரத்த ஓட்டம் சீர் கெட்டு இரத்த அழுத்த நோயோ, இருதய நோயோ உண்டாகின்றது.

இதயம் சுருங்கும்போதுள்ள இரத்த அழுத்தம் இதயம் என்ற பம்பினால் ஏற்படுத்தப்படும் இரத்த அழுத்தம்.இப்படி இதயம் சுருங்கும்போது ஏற்படுத்தும் அழுத்தத்ததை, இதயம் விரியும் போது இரத்தக் குழாய்களில் இரத்தம் மோதும் போது வெளியே விரிந்து மீண்டும் இரத்தத்தில் ஏற்படுத்தும் இரத்த அழுத்தம் இரத்தக் குழாய்கள் "ZIG ZAG" ஆக பயணித்து அவைகளின் சுருங்கி விரியும் (ELASTICITY) தன்மையினால், இரத்தக் குழாய்கள் வழியாக கீழ்க்கண்ட மாதிரியாக பாய்ந்தோடி இரத்த அழுத்தத்தை உடலெங்கும் நிரவுகிறது. இதையே நாம் இரத்தக் குழாய்களில் தொட்டு உணர்ந்து நாடித் துடிப்பு என்கிறோம்.இந்த நாடித் துடிப்பினால் இரத்தத்தில் உள்ள பொருள்களின் மாறுபாட்டைக் கொண்டு நோயறிதலே நமது நாடி சாஸ்திரம்.பெரு விரலின் கீழ் ஓரங்குல அளவில், இந்த நாடி மூலம் வாத பித்த கபம் போன்றவற்றை தெளிந்து உணர்ந்து அதை தீர்ப்பதே சித்த மருத்துவரின் முறை.

அல்லோபதி மருத்துவர் நோயாளர் அவரிடம் சென்றால் என்ன செய்கிறது என்று நோயாளரிடம் கேட்பார்.ஆனால் ஒரு தேர்ந்த சித்த மருத்துவர்(எனெனில் நன்கு நாடிப் பரிசோதனையில் தேர்வதற்கே குறைந்தது நான்கு வருடங்கள் ஆகும்) உங்களுக்கு இதெல்லாம் செய்கிறதா?இந்த வகை நோய் இருக்கிறதா?உடலின் இந்த இடத்தில் பிரச்சினை என்பதை புட்டு புட்டு வைப்பார்.நாடிப் பரிசோதனையில் கால் பங்கு வியாதி,சித்த மருத்துவரிடம் வந்துவிடும்.மேலும் அரைப் பங்கு மருந்தால் தீரும்.மீதமுள்ள கால் பங்கு செய்யும் தர்மத்தால்தான் தீரும் என்று அகத்தியர் கூறுகிறார்.

நார்மல்	சிஸ்டாலிக் இரத்த அழுத்தம் (மி.மீ மெர்குரி) 130க்கு கீழ்	டயஸ்டாலிக் இரத்த அழுத்தம் (மி.மீ மெர்குரி) 85க்கு கீழ்
அதிகபட்ச நார்மல்	130 - 139	85 - 89
இரத்த கொதிப்பு ஸ்டேஜ் -1	140 - 159	90 - 99
இரத்த கொதிப்பு ஸ்டேஜ் - 2	160 - 179	100 - 109
இரத்த கொதிப்பு ஸ்டேஜ் - 3	180 - க்கு மேல்	110 - க்கு மேல்

நசியம் மருந்து தயாரிக்கும் முறைகள்:-

1)மாசிக்காயை நெய்யில் வறுக்கவும்,வெடிக்கும் தறுவாயில் எடுத்து ஆறவிட்டு நன்றாக பொடித்து வைத்துக் கொள்ள வேண்டும்.
2)மகிழம்பூக்களை மணல்,கல்,தூசி நீக்கி நீரில் கழுவி உலர்த்திப் பொடி செய்து வைத்துக் கொள்ளவும்.
3)அ.தும்பை வேர்,ஆ)சுண்டை வேர்,இ) நெருப்பில் வாட்டிய இலுப்பைப் புண்ணாக்கு ஆகிய இம்மூன்றையும் சமன் எடை எடுத்துப் பொடி செய்து வைத்துக் கொள்ளவும்.
மேற்கண்ட மூன்றும் மூன்று விதமான நசியப் பொடி தயாரிக்கும் முறைகள்.இவை மூன்றுக்குமே ஒரே விதமான பலனைக் கொடுக்கும் தன்மை உண்டு.

நசியம் செய்யும் முறை:-
மூக்கின் ஒரு துவாரத்தை அடைத்துக் கொண்டு ஒரு சிட்டிகை பொடியை(இது இரு விரல்களால் எடுக்கும் அளவு) மறு துவாரத்தில் வைத்து மூச்சோடு இழுக்கவும். இவ்வாறு மறு நாசித் துவாரத்திலும் செய்யவும்.இப்படிச் செய்வதால், நரம்பு மண்டலம், சிரசு (தலை), இவைகளில் சேர்ந்துள்ள துர் நீர் அனைத்தும், வழலை என்ற சளியும் தும்மல் மூலம் மூக்கின் வழியாக வெளியேறிவிடும்.தும்மல் முதல் முறை ஒரு மணி நேரம் நீடிக்கும்.அடுத்தடுத்த முறைகளில் இது குறைவாக இருக்கும்.

இரு மாதங்களுக்கு ஒரு முறை நசியம் இட வேண்டுமென சித்தர்கள் கூறியுள்ளனர். ஆனாலும் வள்ளலார் ஆறு மாதங்களுக்கு ஒரு முறையாவது இட வேண்டும் எனக் கூறுகிறார்.

திரு சங்கர் குருசாமி அவர்கள் என் வலைப்பூவில் பல கருத்துரைகளில் கேட்டிருந்த பல விடயங்களுக்கு கொஞ்சம் கொஞ்சமாக எனது வலைப் பூவில் இது போன்ற கட்டுரைகளையே பதிலாக கொடுத்துக் கொண்டிருக்கிறேன் என்பதை இங்கு பணிவுடன் குறிப்பிட விரும்புகிறேன்.

அடுத்து ஒரு முக்கிய விஷயத்தோடு அடுத்த பதிவில் சந்திக்கிறேன்.

மிக்க நன்றி

என்றென்றும் பேரன்பினால்

சாமீ அழகப்பன்

முஸ்லீம் அன்பர்களுக்கு ஒரு அன்பு ஆன்மீகப் பரிசு4

2012-01-09T21:21:00.003+05:30

எங்களது சித்த ஞான சபையைப் போலவே குர்ரான் கூறியிருக்கும் ஞான வழியை உபதேசமாகக் கொடுக்கும் சபை ஒன்று தவநெறிக்கோட்டம் என்ற பெயரில் இருக்கிறது. அந்தத் தெய்வீக திருத்தலம் இருக்குமிடம் மதுரை இராமநாதபுரம் நெடுஞ்சாலையில் திருப்புவனத்திற்கும் மானா மதுரைக்கும் இடையே உள்ள இராஜ கம்பீரம் என்ற ஊரில் உள்ளது.

இங்கு கொடுக்கப்படும் உபதேசமும் எங்களது மச்ச முனிவரின் சித்த ஞான சபையில் கொடுக்கப்படும் உபதேசமும் ஒன்றே.அங்கிருந்து எனக்கு பொங்கல் விழாவுக்காக அனுப்பப்பட்ட அழைப்பை இங்கே ஒளி நகலாகத் தந்துள்ளேன்.

முஸ்லீம் அன்பர்கள் குர்ரான் என்ன சொல்லியுள்ளது என்பதை தெளிவாக பாவாவிடம் அறிந்து கொண்டு பிறவிப்பயன் அடைந்து ஞானத்தில் திளையுங்கள்.இது முஸ்லீம் அன்பர்களுக்கு எனது புத்தாண்டு மற்றும் தமிழர் திருநாளாம் பொங்கல் நல்வாழ்த்துக்களுடன் கூடிய அன்புப் பரிசு.

நன்றி

அன்புடன்

சாமீ அழகப்பன்